Liber Psalmorum, 122
1. canticum graduum ad te levavi oculos meos qui habitas in cælo
2. ecce sicut oculi servorum in manibus dominorum suorum sicut oculi ancillæ in manibus dominæ ejus ita oculi nostri ad Dominum Deum nostrum donec misereatur nostri
3. miserere nostri Domine miserere nostri quia multum repleti sumus despectione
4. quia multum repleta est anima nostra obprobrium abundantibus et despectio superbis